Stimada comunité, stimá simpatisanc dla Musiga da Rina,
l’ann 2020 é sté por düc en ann atramonter co sciöche an ê ausá.
Al á mancé la liberté de se armöre, mo dandadöt s’ál mancé la liberté de podëi s’ancunté cun i amîsc, cun les uniuns y la comunité sciöche an ê ausá da vedlamonter incá.
Ince por nosta uniun él sté en ann dër arforé, a gauja dles restriziuns scrites dant. Mo impó un proé da fá l miú, tan inant che al ê conzedü.
Ince cösc ann á la Musiga albü investiziuns de strumonc y trohtes, mo an n’á nia albü l’ocajiun da podëi trá ite val, ajache la gran pêrt dl’ativité é tomada fora. I un dassën speré, che por la fin dl ann, essun podü se salüdé cun en grup de musicontri, sonan val bela melodia da Nadé, mo la situaziun atuala ne sl pormët nia. Al ê por nos dagnora en gran plajëi da odëi tan tröc che s’aspetâ y s’enconfortâ dô val bela melodia y val ciacolada.
Mo impó orun en cösc ann te n’atra forma tó l’ocajiun da se lascé l’calënder dl 2021; en cösc ann te en format nü, cun de bí motîfs dla bela natöra incer Rina ia. Dai 26 de dezember inant saral spo ince da odëi sön nosta plata Facebook y sot ala misciun www.musigarina.it/blog n video tut sö adöm ai mituns dla cripele vivënta sciöche salüt da Nadé da nosta pert, olache i ves inviun düc da dé na vidlada.
I periun inant do Osta crëta y Osc sostëgn finanziar por ester bugn da curí les spëises chi un ia por l’ann. Ajache ara ne vá nia da pié do les spenores personalmonter lasciun tló dessot y sö l calender l’IBAN de nosc cunt. Dandadöt sperun de podëi indô tosc se lascé aldí i bi sonns dla Musiga da Rina.

Aodun a düc de beles festes da Nadé y en bun Ann Nü, cun sanité, y i sperun indô cun tröc momonc en compagnia.

A ennom dla Musiga da Rina

Le presidënt
Christian Pallestrong

MUSIGA DA RINA
Cassa Raiffeisen Val Badia – filiala Al Plan
IBAN: IT68Z0801058550000305003792
SWIFT-CODE: RZSBIT21508